الأردن – بال بلس
نشرت الفنانة الأردنية ديانا كرزون عبر حسابها الرسمي على تطبيق تبادل الصور (إنستجرام)، صورة لها ولزوجها تحتفل بعيد ميلادها الـ38 .
عيد ميلاد الفنانة ديانا كرزون الـ38 :
وعلقت الفنانة ديانا كرزون الصورة قائلةً: ” عيدي اليوم مميز، مميز بكل تفاصيله، عيدي اليوم ملفوف بمحبتكم، محبة بدون مقابل، محبة أهل ودعوة حلوة من ست الحبايب أمي، وخوفهم علي من نسمة الهوا، محبة جمهور معاك بكل لحظة، بفرحك، بزعلك، بنجاحك هم جيشك زي ماهم بيحكوا، حب أصحابك يلي بساندوك بكل خطواتك، واقفين بظهرك بكل ظروفك، بحسو فيك حتى وهم بعاد عنك”.
وتابعت: “حب الزوج يلي أعطاك حبّ غير عن أي حبّ، سند وظهر تسند علي، أمان وغيرة، وأحلى حب نفس ونظرة من قطعة من قلبك بوجودها بتحسسك بالحب كله (سلمى) بنتي، يلي ثبتت الحب بيني وبين أبوها وملت علينا حياتنا.. يلي أحلى شعور إنو حدا يناديني أم سلمى”.
لقراءة المزيد: بعد ظهوره على كرسي متحرك.. خالد الصاوي يكشف عن حالته الصحية
وأضافت: ” أي نعم أنا ومعاذ بطلنا مهمين كثير عند بيت أهلي وبيت حماي، عشان سلمى صارت أساس الموضوع يعني بطلو يسألو عنا، عندهم بس سلمى هي أهم منا، طبعاً بدون قصد عشان بشوف الموضوع طبيعي، يمكن بساير بحالي، عموما الله لا يحرمني منكم”.
وكشفت كرزون عن الهدية التي قدمتها لنفسها في عيد ميلادها بطريقة مختلفة، حيث قالت: ” أهديت نفسي إني أعمل براند خاص بعد مجهود كبير وفترة طويلة عشان أعمل شي حلو أقدم لكم ياه وأهديه لنفسي وبدعي ربنا يوفقني وما يضيعلي تعب، طولت عليكم بالكلام.. بحبكم”.
